Weekly Summary (12 May – 16 May)

ခန့်မှန်းထားတဲ့အတိုင်း တနင်္လာနေ့မှာ 3,300 အောက် 3,283 opening gap နဲ့ ဈေးစဖွင့်ခဲ့ပြီး 3,236 နဲ့ ဈေးပိတ်ခဲ့တာကိုတွေ့ရပါတယ်။ ဗုဒ္ဓဟူးနေ့မှာတော့ 3,230 ဈေးတန်းကို ဖေါက်ဆင်းခဲ့ပြီး 3,167 ဈေးတန်းကို ရောက်ခဲ့တာတွေ့ရပါတယ်။

ဒီတပတ်အတွင်း…

U.S နဲ့ China trade agreement အနေနဲ့ အကောက်ခွန်တွေကို ရက်ပေါင်း(၉၀) အပြန်အလှန်လျှော့ချမှာ ဖြစ်ပါတယ်။ အကြမ်းဖျင်း အမေရိကန် က တရုတ် အပေါ် 145% သတ်မှတ်ထားရာက 30% ပဲ ကောက်ခံတော့မှာ ဖြစ်သလို တရုတ်ကလည်း အမေရိကန်အပေါ် 125% သတ်မှတ်ထားရာကနေ 10% ပဲ ကောက်ခံတော့မှာ ဖြစ်ပါတယ်။

Inflation data တွေဖြစ်တဲ့ Core CPI နဲ့ CPI data တွေက မျှော်မှန်းထားတာထက် အနည်းငယ်လျော့ကျခဲ့ပေမယ့် လာမယ့် June 18 မှာ interest rate မပြောင်းလဲဖို့ probability က 91.7% ဖြစ်နေပါသေးတယ်။ ဒါပေမယ့် July 30 meeting မှာတော့ interest rate မပြောင်းလဲဖို့ probability က 63.2% အထိကျသွားပြီး 25bps လျှော့ချဖို့ ဖြစ်နိုင်ခြေက 34.2% အထိတက်လာတာကို CME Fed Watch Tool မှာ တွေ့ရပါတယ်။

Credit Rating Agency ဖြစ်တဲ့ Moody က U.S government ရဲ့ credit rating ကို AAA အဆင့်ကနေ AA1 အဖြစ် လျော့ချသတ်မှတ်လိုက်ပါတယ်။ အမေရိကန်အစိုးရရဲ့ ကြွေးမြီဟာ 2035 ရောက်ရင် GDP ရဲ့ 135% ရှိလာလိမ့်မယ်လို့ ခန့်မှန်းထားပါတယ်။ 2024 မှာတော့ အကြွေးဟာ GDP ရဲ့ 98% သာ ရှိခဲ့တာဖြစ်ပါတယ်။ Investor တွေ Bond အပေါ်မှာ Risk ရှိတယ်လို့ ယူဆလာကြပြီး Government Bond yield တွေ တက်သွားခဲ့ပါတယ်။ U.S assets Stock တွေကိုင်ထားတာကလည်း risk ရှိလာပါတယ်။

လာမယ့်အပတ်မှာတော့ U.S stock market အတွက် ဖိအားတွေရှိလာပြီး Stock တွေ အနည်းငယ်ကျဆင်းနိုင်ခြေရှိနေပါတယ်။ Financial, Industrial, Tech စတဲ့ cyclical sector က stock position တွေ လျှော့ချသင့်ပြီး defensive sector တွေဖြစ်တဲ့ consumer staple, utilities နဲ့ healthcare sector က stock position တွေ တိုးသင့်တယ်လို့ ထင်မြင်မိပါတယ်။

ရွှေကတော့ 30 Dec 2024 မှာ စတင်လာတဲ့ uptrend line ကို 3,120 မှာ test လုပ်ပြီး ဒီတပတ် 3,202 နဲ့ ဈေးပိတ်ခဲ့တာတွေ့ရပါတယ်။ H4 timeframe descending channel ကိုလည်း breakout ဖြစ်ထားပါတယ်။ Bond နဲ့ Stock တွေ risk များလာတဲ့အတွက် ရွှေဟာ အားသာချက်ရှိလာပါတယ်။ အကယ်၍ 3,260 အထက်မှာ ဈေးပိတ်ခဲ့ရင် Bullish တွေ ပြန်လည်အားသာလာမှာဖြစ်ပါတယ်။ 3,320 ဈေးတန်းကို test လုပ်လာနို်ငခြေရှိပါတယ်။