Weekly Summary (2 Jun – 6 Jun)
ဒီတပတ်မှာ ရွှေဈေးဟာ ဈေးစဖွင့်တဲ့ တနင်္လာနေ့ 2 Jun တရက်တည်း $84 လောက်တက်ခဲ့တာ ဖြစ်ပါတယ်။ ယူကရိန်းတို့က ရုရှားတို့ရဲ့ နျူလက်နက်တင်ဆောင်နိုင်တဲ့ လေယာဉ်တွေကို ဒရုန်းများနဲ့တိုက်ခိုက်ခဲ့ခြင်း၊ ထရမ့်က steel နဲ့ aluminium import တွေကို 50% အထိတိုးမြှင့်ကောက်ခံမယ်ဆိုတဲ့ ကြေငြာချက်တွေကြောင့် ဒေါ်လာအားပျော့ပြီး ရွှေဈေးတက်ပါတယ်။ နောက်ရက်တွေမှာတော့ Sideways အနေနဲ့သာ ဖြစ်ခဲ့ပြီး ကြာသပတေးနေ့မှာတော့ တပတ်တာရဲ့အမြင့်ဆုံးအဖြစ် $3,400 ကျော်ကျော်လေးကို ရောက်ခဲ့တာတွေ့ရပါတယ်။ ထရမ့်နဲ့တရုတ်သမ္မတတို့ ပထမဆုံးအကြိမ်အဖြစ် ဖုန်းပြောဆိုခဲ့အပြီး ကောင်းမွန်တဲ့ရလာဒ် ရှိတယ်လို့ ထရမ့်က ကြေငြာတာကြောင့် ရွှေဈေးက ကြာသပတေးနေ့မှာ ပြန်ကျသွားပါတယ်။ 3,400 ဈေးတန်းမှာ Profit taking ယူကြတယ်လို့လည်း ယူဆပါတယ်။ သောကြာနေ့မှာတော့ NFP, Unemployment Rate စတဲ့ job data များ ကောင်းမွန်တာကြောင့် ဆက်လက်ကျဆင်းပြီး တနင်္လာနေ့ကအဖွင့်ဈေး 3,298 ရဲ့ အပေါ်နား 3,309 နဲ့ ဈေးပိတ်သွားတာ တွေ့ရပါတယ်။ WTI Crude Oil ကတော့ ဒီတပတ် 6.2% တက်ခဲ့ပါတယ်။ ယူကရိန်း-ရုရှားကိစ္စအပြင် ကနေဒါတောမီးကြောင့် supply အပေါ်စိုးရိမ်မှု ရှိလာပါတယ်… ဒါ့အပြင် အမေရိကန်-တရုတ် တင်းမာမှုလျော့ကျလာခြင်း၊ သောကြာနေ့က U.S job data ကောင်းမွန်ခြင်းတို့က oil demand တက်စေပါတယ်။ အချုပ်အားဖြင့် ဇွန်လ ပထမအပတ်အတွင်း….Gold -> 1.0% 
Crude Oil -> 6.2%
USD index -> 0.1% 
Nikkei 225 -> 0.6%
HSI -> 2.2%
S&P 500 -> 1.5%
Nasdaq -> 1.9%
Stock Sector ETF တွေအနေနဲ့ Sector တော်တော်များများတက်ပါတယ်။ Defensive sector တွေဖြစ်တဲ့ Utilities, Consumer Staples တွေကျပါတယ်။ Technology sector ကတော့ ဦးဆောင်ပြီး 3.2% တက်တာတွေ့ပါတယ်။ One Month Sector rotation chart အရ Technology, Industrials နဲ့ Communication Services sector တွေက Leading quadrant ထဲမှာ ရှိပြီး ကျန် sector များကတော့ Lagging quadrant ထဲမှာ ရှိနေပါတယ်။
Magnificent 7 Stock တွေထဲမှာ Tesla က လွဲလို့ အကုန်တက်ပါတယ်။ Meta ကတော့ ဈေးအတက်ဆုံးဖြစ်ခဲ့တာ တွေ့ရပြီး 7.8% တက်ပါတယ်။ အီလွန်မတ်စ်နဲ့ထရမ့်တို့ ပြဿနာတက်ကြတာကြောင့် 5 June တရက်တည်းမှာတင် Tesla share က 14% လောက် ထိုးကျပါတယ်။ ဒီတပတ်အတွင်း Tesla က 14.8% ဈေးကျပါတယ်။ Volatility Index တခုဖြစ်တဲ့ VIX index က ကျဆင်းနေပြီးတော့ ၎င်းရဲ့ 20 Day Moving Average အောက်မှာ ဆက်လက်ရှိနေပါတယ်။ VIX ကို Stock market ရဲ့ Fear Index လို့လည်း ခေါ်ကြပါတယ်။ Investor တွေ Stock market အပေါ်စိုးရိမ်နေတဲ့ အချိန်မှာ VIX index ဂဏန်းမြင့်တက်လာပြီး စိုးရိမ်မှုလျော့ကျတဲ့အချိန်မှာ ကျနေတတ်ပါတယ်။
Major currency တွေအနေနဲ့…EURO -> 0.7%
GBP -> 0.6%
NZD -> 1.1%
Cryptocurrency တွေဖြစ်တဲ့Bitcoin -> 1.2%
Solona -> 6.3%
Ethereum -> 2.3%
DOGE -> 7.6%
XRP -> 0.8%
ရှေ့လာမယ့်အပတ်မှာတော့…Inflation data တွေဖြစ်တဲ့ Core CPI, CPI, Core PPI, PPI စတဲ့ data တွေနဲ့ Initial Jobless Claims စတဲ့ U.S economy ကို ထင်ဟပ်စေတဲ့ data တွေ ထုတ်ပြန်ဖို့ရှိပါတယ်။ Market ကို impact ဖြစ်စေနိုင်တဲ့ data များဖြစ်ပါတယ်။
ရွှေဈေးအနေနဲ့ကတော့ လက်ရှိမှာ bear များ အားသာနေတဲ့ အနေအထားပါပဲ။ 4 Hour Rising Wedge ရဲ့ Lower band ကို violate ဖြစ်ထားသလို double top formation လည်း တွေ့ရပါတယ်။ Volume အနေနဲ့ ကြာသပတေး၊ သောကြာ down volume ကလည်း ရှေ့က (၃)ရက်ထက် များတာကိုတွေ့ရပါတယ်။ CFTC report အရ Commercial hedgers များရဲ့ Net Long position က ဒီတပတ်မှာလည်း ကျဆင်းတာ တွေ့ရပါတယ်။ Fibo 38.2 Support 3,292 အောက်မှာ ဈေးပိတ်နိုင်ခဲ့ပြီး Geopolitical နဲ့ Trade war ကိစ္စတွေ တင်းမာမှု မရှိလာရင် technically အကျ အားသာမှာဖြစ်ပြီး 30 Dec 2024 မှာ စတင်ဖြစ်တည်လာတဲ့ Rising support trendline ကို 3,210 မှာ test လုပ်နိုင်ချေရှိပါတယ်။ Trendline ကို breakout ဖြစ်နိုင်ခဲ့ပြီးဆိုရင်တော့ Strong support 3,167 နဲ့ မေလရဲ့ အနိမ့်ဆုံး 3,120 အထိ ဆင်းနိုင်ချေရှိကြောင်းပါ။ အကယ်၍ 3,373 အထက်မှာ bull များ ဈေးပိတ်နို်ငခဲ့ရင်တော့ bear များ ရုန်းကန်နိုင်ရချေရှိပါတယ်။ CME Fed Watch Tool ရဲ့ ခန့်မှန်းချက်အရတော့ လာမယ့် 18 Jun မှာ လုပ်မယ့် Fed meeting မှာ အတိုးနှုန်း ဒီအတိုင်းထားဖို့ ဖြစ်နိုင်ချေ 97.4% အထိရှိနေပြီး ယခင်အပတ်က 96.2% ရှိခဲ့တာ ဖြစ်ပါတယ်။S&P 500 index နဲ့ Gold က One Month correlation coefficient -0.62 ရှိနေတဲ့ အတွက် Moderately strong negative correlation ဖြစ်ပါတယ်။
You may also like
Weekly Summary (16 Jun – 20 Jun)
June 25, 2025
Weekly Summary (9 Jun – 13 Jun)
June 22, 2025
Weekly Summary (26 May – 30 May)
June 11, 2025